संस्थाको विधान अनुसार उद्धेश्यहरु संस्थाको मुख्य उद्देश्य देहायवमोजिम रहने –
क) यो संस्था मुनाफारहित जनहितकारी संस्था हुनेछ ।
ख) यस संस्थाद्धारा संचलित कुनै तालिम, गोष्ठि, सेमिनारमा सहभागिहरुबाट कुनै प्रकारको आथिक लाभ लिईने छैन ।
ग) महिलाहरुको लागि संविधान, नेपाल कानून र अन्तराष्ट्रिय कानूनद्धारा प्रदक्त हक अधिकार वारे जानकारीमुलक कार्यक्रम संचालन गर्ने ।
घ) महिलाहरुको सीपविकास तथा आयआर्जन सम्वन्धी कार्यक्रम संचालन गर्न स्थानिय तहसम्म समुह गठन कार्य गर्ने ।
ङ) महिलाहरु विरुद्ध समाजमा रहेको हिंसा, शोषण, भेदभाव तथा कुरितीहरु अन्त्य गर्ने खालका कार्यक्रमहरु सँचालन गर्न नेपाल सरकार, प्रदेश सरकार र स्थानिय तहसंग सहकार्य गर्ने ।
च) महिलाहरु विच एकता र सहकार्यको भावना जागृत गर्दै मानव अधिकार, लैंगिक समानता र महिला शशक्तिकरणको लागि कार्य गर्ने ।
छ) महिलाहरुलाइ कानूनी शिक्षा प्रदान गर्ने । असमर्थ असहाय तथा पिडित महिलाहरुलाइ कानूनी उपचार तथा सहायता प्रदान गर्ने ।
ज) हिंसा पिडित महिलाहरुलाइ मनोसामाजिक परामर्श, पुर्नस्थापना तथा आवासको व्यवस्था गर्ने।
झ) गर्भवती महिलाहरुको प्रजजन स्वास्थ्य तथा सुरक्षित मातृत्व सम्वन्धी परामर्श तथा उपचार सेवाका साथै स्वास्थ्य शिविर सन्चालन गर्ने ।
ञ) किशोरी महिलाहरुलाइ लक्षित गरि किशोरी शिक्षा कार्यक्रम संचालन गर्ने ।
ट) महिला माथि हुने यौनजन्य अपराध, वहुविवाह, वालविवाह, मानव वेचविखन जस्ता अपराध विरुद्ध जनमत सृजना गर्ने सचेत गराउने ।
ठ) महिला तथा वालवालिकाको सर्वोक्तम हित तथा चौतर्फि विकासको लागि खानेपानी तथा सरसफाइ सम्वन्धी कार्यक्रम संचालन गर्ने ।
ड) राज्यको सबै निकायमा महिलाको पहुँच अभिवृद्धि गर्नको लागि नेतृत्व तथा क्षमता विकास सम्वन्धी विभिन्न तालीम संचालन गर्ने ।
ढ) वालवालिका, असहाय तथा जेष्ठ महिलाहरुको लागि स्याहार केन्द्र संचालन गर्ने ।
ण) एकल महिला, वालिका, अपाङ्गता भएका महिला, आदिवासी जनजाति महिला र दलित महिलाहरुको अवस्थाअनुसार विशेष संरक्षण र सहयोगका कार्यक्रम संचालन गर्ने ।
ट) समाजसेवाका लागि आवश्यक ठानिएका विभिन्न खालका परोपकारी तथा विकास निर्माण सम्वन्धी कार्य गर्ने ।